სტატია გაზეთ "ახალ განათლებაში"

ჩვენი კლუბის შესახებ ჩემი სტატია იხილეთ გაზეთ "ახალ განათლებაში" 27.06.2019, გვ.7.

http://axaliganatleba.ge/upload/newspaper/1561546395.pdf

რეფლექსია

გასული წლის ოქტომბერში ჩვენს სკოლაში ჩამოვაყალიბეთ დებატების ინგლისურენოვანი კლუბი, როლის დაარსების იდეა რამდენიმე წლის წინ გაჩნდა, მაგრამ მის ჩამოყალიბებამდე ჩვენ ბევრი რამ გავაკეთეთ. პირველ რიგში შევისწავლეთ დებატების არსი საჯარო სკოლის სივრცეში. გავეცანით ლიტერატურას, გავეცანით დებატების ჩატარების რამდენიმე მოდელს, შევარჩიეთ წამყვანი მოსწავლეები, შევიმუშავეთ სამოქმედო გეგმა, შევარჩიეთ BP-(British parliamentary System) ფორმატი. შევარჩიეთ ლოგო, შევქმენით ფეისბუქ გვერდი, გავაკეთეთ განაცხადი, შევარჩიეთ სასუბრო თემები, ოთახი და გავემზადეთ კლუბის მუშაობის დასაწყებად. (სამოქმედო გეგმა და მიზნები იხ. ჩვენს ბლოგზე).
აღმოჩნდა, რომ  დებატების კლუბით ბევრი მოსწავლე დაინტერესდა. პირველივე შეხვერდაზე გაცნობითმა საუბარმა და სამომავლო გეგმებმა დააინტერესა მოსწავლეები. მთელი წლის მანძილზე მუშაობდა კლუბი და ჩვენი მუშაობის მატიანე ასახულია შარშანდელ მასალებში ჩვენს ბლოგზე.

ვინაიდან კლუბმა ძალიან ნაყოფიერად იმუშავა გასულ სასწავლო წელს, გადავწყვიტეთ ახალ სასწავლო წელს გაგვეახლებინა კლუბის მუშაობა. აღმოჩნდა, რომ კიდევ უფრო მეტმა მოსწავლემ გამოთქვა წელს სურვილი კლუბის მუშაობაში ჩართვისა. საინტერესოა, რომ წელს ბევრი მეშვიდეკლასელი გაწევრიანდა კლუბში და წლის ბოლომდე ერთგულად დადიოდნენ თამაშებზე. სიამოვნებით მინდა აღვნიშნო, რომ კლუბმა დასახულ მიზნებს მიაღწია, ვინაიდან მართლაც შევქმენით საგაკვეთილო სივრცის გარეთ ინგლისურენოვანი გარემო, რომელიც არა მხოლოდ ინგლისური ენის დახვეწას ემსახურებოდა, არამედ კულტურული და დროის შინაარსიანად გატარების ატმოსფეროც შევქმენით. მოსწავლეებმა შეისწავლეს ერთმანეთის აზრების მოსმენა, კულტურული, თანამშრომლობითი და ცივილური ფორმით ოპონირება და/ან მოწინააღმდეგის აზრის გაზიარება. ისინი ძალიან დამეგობრდნენ და სიამოვნებით უზიარებდნენ ერთმანეთს სასკოლო ცხოვრების გამოცდილებასაც.
კლუბის ხელმძღვანელი მოსწავლეები თიკა გიორგაძე და ლუკა გურგენიძე ჩაირიცხნენ ამერიკის წამყვან უნივერსიტეტებში და თავიანთ გამოცდილებას ამ კუთხითაც უზიარებდნენ მოსწავლეებს.
კლუბით დაინტერესება ინდენად დიდია, რომ გაისად რამდნიმე მოსწვლეს სურს ჩაუდგნენ სათავეში კლუბს, რაც ძალიან მახარებს - XI კლასელები დავით კუჭუხიძე და ნიკა შენგელია არიან კლუბის ახალი ხელმძღვანელობის კანდიდატები.
საფინალო შეხვედრაზე სასიამოვნო სიურპრიზებით, მონაწილეობის სერთიფიკატებითა და ტორტით დავემშვიდობეთ ერთმანეთს.
ვთვლი, რომ ჩვენი კლუბის მუშაობამ გამოიღო შედეგი და მოსწავლეებში გამოიწვია დიდი ინტერესი და სწავლის ხელშეწყობა.

2019 წლის 13 ივნისი
მაია ალავერდაშვილი

დებატების კლუბის საფინალო შეხვედრა

დღეს  სასწავლო წლის დამამთავრებელი ბოლო თამაშის დღე მოვაწყვეთ. საფინალო შეხვედრის აღასანიშნავად მონაწილეებს გადავეცით სერთიფიკატები და ტორტით დავემშვიდობეთ ერთმანეთს შემდეგ სასწავლო წლამდე.

სასწავლო წელი დასასრულს უახლოვდება

მალე დამთავრდება ჩვენი კლუბის შეხვედრები. ორი წერა წინ აქვთ ბავშვებს და განვლილ მასალას იმეორებენ, ამიტომ ერთი შეცვედრაღა დაგვრჩა ფაქტიურად. გაისად ლუკა და თიკა ამერიკის წამყვანი უნივერსიტეტების სტუდენტები იქნებიან და ძალიან მოგვენატრებიან. ახალი გუნდი და ახალი წამყვანები გააგრძელებენ შემდეგში მათ მიერ საფუძველჩაყრილ კლუბის მუშაობას. 

გუშინდელი შეხვედრა

მოსწავლეები კვლავდაკვლავ უბრუნდებიან თეორიულ მასალას, ხვეწენ ტექნიკას და ემზადებიან გასვლითი თამაშისთვის.

სამშაბათი - თინეიჯერები და მათი მშობლების მიერ კონტროლი ინტენეტის მოხმარებისთვის

დღეს გაიმართა თამაში თემაზე - თინეიჯერთა მხრიდან ინტერნეტის გამოყენების მშობლების მიერ გაკონტროლების შესახებ

Debate on Internet limit for teens by the parents